تهنئة كلها مسك وريحان لزواري الأعزاء ،، بمناسبة عيد الأضحى المبارك
وتقبل الله منا ومنكم صالح الأعمال واعذروني على الانقطاعات اللي سببها الدراسة والإنشغال وللنفسية كذلك دور كبير 
على العموم حبيت تشكاروني بهالصور الفوتوغرافية وان شاء الله تعجبكم والصورة تتحدث عن نفسها على ماقالوا
برج الخرج ،، برج ارتبطت به الكثير من ذكرياتي وذكريات كثير من الناس 
من أول ما طلعت على الدنيا وهالبرج موجود 
،، صراحه اي خرجاوي اذا سئلته وش اطلق مكان عندكم في الخرج أكثرهم بيقولون لك البرج ولازم موبايله يكون فيه صوره له 
بس اكثرهم ماقد دخله ولا شافه ! ،، السنين اللي راحت كانوا مشددين عليه وكان الدخول له خاص ومحدود جدا .
أول مره دخلته كنت في رحله مدرسيه أيام المتوسط ، ودخلونا كم دقيقة وطلعونا على طول برا
على العموم مأ أطول عليكم في هالتدوينه راح أشارككم بصور من منطقة البرج ومن داخله .
في البداية .. بنر تعريفي عن البرج
هالمطعم ما أدري كيف طبيت عليه ،، كنت جوعااان وأبي اتعشى من مطعم يبيض الوجه 
فطحت على هالمطعم ،، المطعم ايطالي اسمه “forchetta” يعني الشوكة !
موقع المطعم ،، على طريق خريص ، خلف مطعم هارديز ، حي الريان
قبل فترة رحت مع الأهل لمكة وخذينا عمره والحمد لله ،، وبعدها على جدة أم الرخاء والشدة .
حبيت اشارككم في هالتدوينة بعدد من الصور اللي التقطتها من عدستي الموقرة ، ان شاء الله تعجبكم
في البداية هذي صور للفندق اللي سكنا فيه “ريتاج البيت” تابع لأبراج البيت .
الفندق حلو ومره هادي وقريب من الحرم ،، وأول ماتنزل للدور الأول من المصعد على طول يطلعك على مول أبراج البيت
يعني اذا مسكت معك دوران والا بتشتري شي على طول ادخل المصعد وانت واصل 
اهلا بالشهر الكريم ،،
اهلا بشهر الطاعات والصيام ،،
اهلا باللقيمات والسمبوسة >> خروج عن النص
شهر الروحانيات وصلاة التراويح ،، شهر تفتح فيه ابواب الجنة وتغلق أبواب النار كفانا الله واياكم منها
تهنئي لكم بهذا الشهر بعبق فوتوغرافي هذه المرة ،، صورتين من عدسة كاميرتي المبتدئة
إهداء مني لكم بمناسبة الشهر الفضيل وتقبل الله منا ومنك صالح الأعمال
عالم التصوير الفوتوغرافي عالم رائع لطالما كنت من متابعيه ، ومتابعة جديد المصورين المحترفين فيه وخاصة مصوري عدسات عربية والفليكر ، الحمد لله اقتنيت الان اول كاميرا احترافية لي لابدأ في التصوير الحقيقي الاحترافي وأضيفها كهواية جديدة لي ! نوع كاميرتي الجديدة Canon 450D وهي التي اشار لي الكثير من مصوري (أصدقاء الضوء) باقتناءها .
قصتي مع اختيار الكاميرا
في البداية رحت الى المحلات الالكترونية الكبرى مثل الكترو واكسترا الا ان الكاميرات كانت عندهم قليلة والسعر حسيت انه غالي فطرحت الموضوع على اعضاء أصدقاء الضوء والصراحة ماقصروا ما خلوا شي الا ووضحوه لي والشيء اللي استغربته منهم ان اكثر خلق الله يقولون احسن محل لبيع الكاميرات بضمان وسعر رخيص هو محل متعب الحارثي اللي في البطحاء فمن شهرته وضعت في رأسي صورة للمحل بانه محل كبيير على شارعين والعمال كثيرين والواحد يتوه اذا دخل المحل ! ، المهم خذيت الوصف ورحت للبطحاء وهناك صراحة تفاجأت لما شفت المحل وهذي صورته لقيتها في النت
أحدث التعليقات